Produto Final

 Este luns 17 de xuño, todo o alumnado do CEIP Plurilingüe do Xurés presentamos o produto final do noso proxecto documental deste curso "Coñecemos o pasado; vivimos o presente". Deste modo, despois de crear e repartir unhas invitacións entre as nosas familias e os nosos veciños de Lobios, convertemos a nosa biblioteca escolar nun museo no que expuxemos todos os nosos traballos nos que recolliamos todo o investigado e traballado sobre cada etapa da historia. Nesta xornada, tivemos a oportunidade de compartir e expoñerlle ao público todos os coñecementos que fumos adquirindo. 

Podedes ver un resumo da xornada no seguinte vídeo. 

Inventos da Idade Antiga 🔮

Boas!! 

Durante este tempo estivemos investigando sobre diferentes inventos que apareceron na Idade Antiga e hoxe imos compartir algúns!

Todo o que descubrimos está recollido no noso caderno 📙

En Mesopotamia, inventouse:

- A roda.

- A escritura.

- O horóscopo.

No Antigo Exipto, inventouse:

- O papiro.

- As cerraduras das portas.

- O reloxo de sol.

Na Antiga Grecia, inventouse:

- As olimpíadas.

- A moeda (Dracma).

- Os mapas.

No Imperio Romano, inventouse:

- Os acuedutos.

- Os muiños hidráulicos.

- O cemento.

A Idade Antiga: Actividade de Comunicación e Difusión 🔊🔱ফ𓀀

Boas! 

Este 22 de marzo recibimos a visita dos nosos compañeiros/as do cole e puidemos compartir con eles todo o que levamos traballado e investigado sobre a Idade Antiga. Antes de que chegaran, decoramos a nosa aula e expuxemos todos os nosos traballos. Logo, fúxomoslle explicando todiño! 

Podedes ver un anaquiño desta xornada no seguinte vídeo! 

Agardamos que vos guste! 🌟⭐🌠

A Esfinxe de Exipto 🗿

Boas, canto tempo sen contar nada!!

Hoxe imos falar da Esfinxe, unha figura que se atopa xunto á pirámide de Keops en Exipto. Ten unha altura de 50 metros e ten cabeza de humano e corpo de león.

A continuación mostrámosvos as nosas ESFINXES. Agardamos que vos gusten! 💫💫💫

A arte en Grecia e os deuses e deusas gregas 🏦

Boas, estamos aquí de novo!!

Hoxe imos falar dos templos de Grecia e dos deuses e deusas.

Os templos gregos eran os monumentos máis grandes e preciados. Estaban feitos de pedra calcaria e dábanlle moita importancia. Un exemplo deste tipo de arquitectura é o Partenón de Atenas.

No noso caderno da historia, temos máis información sobre a arte en Grecia.

Coa profe Mirian en plástica, coñecimos a diferentes deuses e deusas que había na Antiga Grecia e na nosa clase fixemos un mural. A continuación imos mostrar quen fixo cada un:

- Gael fixo a Zeus, o deus do tempo.

- Izan fixo a Hades, o deus do inframundo.

- Kyllian fixo a Ares, o deus da guerra.

- Daniela fixo a Apolo, o deus da música, da poesía e do sol.

- Dylan fixo a Afrodita, deusa do amor.

- Sara fixo a Hestia, deusa do fogar.

- Mathias fixo a Atenea, deusa da sabiduría.

- Ema fixo a Hera, deusa do matrimonio.

- Fernando fixo a Poseidón, deus do mar.

- Antón fixo a Hermes, mensaxeiro de Deus.

- Sofía fixo a Diana, deusa da caza.

- Lara fixo a Demeter, deusa da agricultura.

Agardamos que vos guste!!!💫😊

Entroido: Unha viaxe ao Antigo Exipto

 Polo Entroido, viaxamos ao Antigo Exipto e creamos uns traxes similares aos que vestían os faraóns!!

Esperamos que vos guste! 🌟

As sociedades na Idade Antiga 👩👨

Bos días! Hoxe vimos contar como eran as sociedades nas diferentes etapas da Idade Antiga.

As diferentes sociedades estaban divida en función da riqueza e do poder.

En Mesopotamia había: rei, privilexiados, campesiños, comerciantes, artesáns e escravos. Nesta época invesntouse a escritura.

Como dato curioso, Mesopotamia significa terra entre dous ríos.

En Exipto había: faraóns, nobres, soldados, escribas, comerciantes, artesáns e escravos.

Como dato curisoso, en Exipto cando un faraón morría, era enterrado con moitas das súas riquezas porque pensaban que as podían utilizar noutra vida.

En Grecia, había: cidadáns libres e cidadadáns non libres.

Como dato curioso, en Grecia, creáronse as Olimpíadas.

En Roma, había: patricios, plebeos e escravos.

Como dato curioso, en Roma, hai unha lenda que di que a cidade foi fundada por Rémulo y Remo, dous irmáns que foron criados por unha loba.

Toda a información sobre as sociedades da Idade Antiga, témola recollida nos nosos cadernos, agardamos que vos guste!! 💫

A entrada á clase de 1º e 2º!!! 🚪

Esquecímonos de ensinarvos a nosa porta!  Ao cruzala, entraredes á Idade Antiga 💫

A IDADE ANTIGA

Boas, presentámonos! Somos as alumnas e alumnos de 1º e 2º de Educación Primaria e neste apartado do blog imos compartir con vós todo o que vaiamos aprendendo sobre o proxecto Coñecemos o pasado, vivimos o presente.

Comezamos o noso traballo coñecendo de maneira xeral as diferentes épocas da historia para centrarnos despois na nosa etapa, A Idade Antiga.

Todo o aprendido ímolo recoller nun caderno que, pouco a pouco vos iremos ensinando. 

Agardamos que vos guste! 💫💫

Actividade de motivación💡

No día das Bibliotecas Escolares, o pasado 24 de outubro, démoslle comezo ao noso PDI

"Coñecemos o pasado; vivimos o presente"

Aproveitamos as imaxes da mensaxe que nos enviara Pancholiño para facer unha chuvia de ideas e recompilar o que sabemos das etapas da historia e o que queremos saber e aprender. 

Ademais, animámonos a crear unha liña do tempo e a inaugurar o noso mural do proxecto. 

Amosámosvolo todo todiño no seguinte vídeo!